பாதாம் குக்கீஸ்

என் முதல் சாக்லேட் குக்கீஸ்  செய்முறை பதிவை தொடர்ந்து மற்றும் ஒரு   குக்கீஸ்.

இது ஒரு சாதாரண குக்கீ,  ஆனால் பக்கங்களில் நறுக்கப்பட்ட / பொடியாக்கிய பாதாம் பருப்பு இருப்பதால் பாதாம் குக்கீஸ்.

தேவையான பொருட்கள் :  150 கிராம் வெண்ணெய்  ;  1/3 கப் சர்க்கரை   ; ¼ கப் பாதாம்  பருப்பு (1tsp சர்க்கரையுடன் பொடியாகியது)  ; ½ கோதுமை மாவு கப்   ;   ½  கப் மைதா மாவு  ;  ½   கப் சோள மாவு  ; ¼ கப் வெண்ணிலா கஸ்டட் தூள்   ;    1 – முட்டை (வெள்ளை கரு)   ;  உப்பு (ஒரு சிட்டிகை)

செயல் முறை :  அனைத்து உலர் மூலப்பொருட்களையும் (கோதுமை, மைதா, சோள மாவு,  கஸ்டட் தூள், மற்றும் உப்பு) நன்றாக கலக்கிகொள்ளவும்.

ஒரு கிண்ணத்தில், சர்க்கரை மற்றும் வெண்ணெய் சேர்த்து நன்றாக (வெளிர் நிறம் வரை) கலக்கிகொண்டு 2 tbsp உலர் மாவு கலவையை சேர்த்து கலக்கவும். இப்படியே அனைத்து மாவையும் சேர்த்து நன்கு கலக்கிகொள்ளவும்.

மாவை உறையில் சுற்றி சுமார் 30 நிமிடம் நேரம் குளிர்சாதன பெட்டியில் வைக்கவும்.

பின்னர் மாவை சுமார் 8 அங்குல நீள (பாம்பு போன்ற) வடிவில் உருட்டி, அதன் மீது முட்டையின் வெள்ளை கருவை (ப்ரஷ்) புசி, தூள் செய்த பாதாம் பொடியில் பிரட்டி எடுக்கவும்.

(முட்டைக்கு மாற்றாக பால் பயன்படுத்தலாம்)

மீண்டும் மாவை உறையில் சுற்றி சுமார் 90 நிமிடம் நேரம் குளிர்சாதன பெட்டியில் வைக்கவும்.

பின்னர் மாவை, சுமார் 2 செ.மீ அகலத்திற்கு வெட்டி பேக்கிங் தட்டில் (பேக்கிங் தாள் இட்டு) பரப்பி சுமார் 180 ° C preheated  (அடுப்பில்) பேக் செய்யவும்.

  
சூடாறியபின் காற்றுபுகா கலனில் அடைத்து வைக்கவும்.

சாக்லேட் குக்கீஸ்

இன்று நாம் குக்கீஸ் (அமெரிக்காவில் குக்கீஸ், ஐரோப்பாவில் பிஸ்க்யுட், நம்ம ஊர்ல பிஸ்கெட்!) செய்யலாமா ?

இந்த செயல்முறை, மார்தா ஸ்டூவர்ட்-இன் தொலைக்காட்சி நிகழ்ச்சியில் இருந்து....................  

வழக்கம் போல் நான் டார்க் சாக்லேட் உபயோகிறேன். (அரை இனிப்பு சாக்லேட்டும் உபயோகிக்கலாம்).  இந்த குக்கீஸ் மேற்புரம் மற்ற குக்கீஸ் போல் இல்லாமல் இருப்பது இதன் சிறப்பு.

தேவையான பொருட்கள் :  (சிறு துண்டுகளாக நறுக்கப்பட்ட) டார்க் / பிட்டர் (Bitter) ஸ்வீட் சாக்லேட் 60 கிராம்     ; மைதா மாவு 1 கப் (125 கிராம்)   ;  1 தேக்கரண்டி பேக்கிங் பவுடர்  ; 1/4 கப் (30 கிராம்) Unsweetened  இனிப்பில்லா கொக்கோ தூள்  ; 1 கப் (200 கிராம்) சர்க்கரை   ; 2 பெரிய முட்டை ; 4 தேக்கரண்டி (உருகிய) Unsalted  உப்பில்லா வெண்ணெய்   ;   3/4 தேக்கரண்டி தூய வெண்ணிலா சாறு ; 1/2 கப் (110 கிராம் ) Confectioners ' சர்க்கரை பவுடர் (பொடி)

செயல் முறை :  சாக்லேட் ஃபட்ஜ்-இல் செய்தது போல சாக்லேட்களை (சிறு துண்டுகளாக வெட்டிகொண்டு) அடி பக்கம் கனமான பாத்திரத்தில் இட்டு குறைந்த வெப்பத்தில் வைத்து (சாக்லேட்டை) உருக்கவும்.

ஒரு கிண்ணத்தில் மாவு, பேக்கிங் பவுடர், மற்றும் கொக்கோ ஒன்றாக சேர்த்து கலக்கிகொள்ளவும்.

மற்றொரு கிண்ணத்தில்,  சர்க்கரை, முட்டை, உருகிய வெண்ணெய் ஆகியவற்றை ஒன்றாக சேர்த்து கலக்கிகொண்டு,  படிப்படியாக உருகிய சாக்லேட் மற்றும் வெண்ணிலா சாறை சேர்க்கவும். பின்னர், சிறிது சிறிதாக மாவு கலவையை சேர்த்து கிளறவும். பின், கலவையை சுமார் முன்று மணி நேரம் குளிர்சாதன பெட்டியில் வைக்கவும்.

பின்னர், ஒரு தேக்கரண்டி அளவு மாவு கலவையை, சிறிய பந்து வடிவில் உருட்டி, சர்க்கரை (பவுடர்) பொடியில் உருட்டி எடுத்து பேக்கிங் தாள் பரப்பிய பேக்கிங் தட்டில் வைக்கவும். இப்படியே மிதமுள்ள மாவு கலவையிலும் செய்து, சுமார் 325 டிகிரி Preheat  செய்த அடுப்பில் வைத்து 15 நிமிடங்கள் பேக் (Bake) செய்யவும்.

சூடாறியபின் காற்றுபுகா கலனில் அடைத்து வைக்கவும்.

வரிக்குதிரை கேக்

அது என்ன வரிக்குதிரை கேக் ? கண்டிப்பாக மேலே உள்ளதல்ல. நாம் செய்யும் கேக்கிலும், வரிக்குதிரை உடலில் உள்ள கோடுகள் போல கோடுகள் வருவதால் இதன் பெயர் வரிக்குதிரை கேக். (பெயர் காரணம் சொல்லியாச்சி) 

உங்களுக்கு தெரியுமா, நமது விரல் ரேகை போல வரிக்குதிரையின் உடலில் உள்ள கோடுகலும் தனித்தன்மையானது. நாம் செய்யபோகும் வரிக்குதிரை கேக்கில் உருவாகும் கோடுகலும் தனித்தன்மையானது. (பெயர் காரணம், மறுபடியும் சொல்லியாச்சி) 

தேவையான பொருட்கள் : 4 பெரிய முட்டைகள்     ;    1 கப் (250 கிராம்) சர்க்கரை ;    1 கப் (250 மிலி ) பால்    ;   எண்ணெய் (ஆலிவ் (அ) உங்கள் விருப்பப்படி) 1 கப் (250 மிலி )   ;    2 கப் (250 கிராம்) மைதா மாவு    ;    1/3 தேக்கரண்டி வெண்ணிலா தூள்     ;     1 தேக்கரண்டி பேக்கிங் பவுடர்     ;     2 தேக்கரண்டி டார்க் கோக்கோ தூள். 

ஒரு கிண்ணத்தில், முட்டை, வெண்ணிலா மற்றும் சர்க்கரை சேர்த்து நன்றாக கலக்கவும். பின், பால் மற்றும் எண்ணெய் சேர்த்து நன்கு கலக்கவும். வேறு ஒரு கிண்ணத்தில், மாவு மற்றும் பேக்கிங் பவுடர் சேர்த்து நன்றாக கலக்கி கொள்ளவும். சிறிது, சிறிதாக மாவை, முட்டை, வெண்ணிலா, சர்க்கரை, பால் மற்றும் எண்ணெய் கலவையுடன் சேர்த்து மென்மையாக கலக்கவும். (மாவின் பதம், மென்மையாகவும் இல்லாமல், கட்டியாகவும் இல்லாமல், இடைபட்ட பதத்தில் இருக்கவேண்டும். தேவைப்பட்டால் சிறிது மாவு சேர்க்கலாம்) 

பின், மாவை இரு சம பகுதிகளாக பிரித்து ஒரு பகுதியில் கோக்கோ தூள் சேர்த்து நன்றாக கலந்து கொள்ளவும். (இந்த மாவுதான் கேக்கில் (வரிக்குதிரை) கோடுகள் உருவாக்கும். இப்பொழுது நம்மிடம் இருவகையான மாவு (வெள்ளை மாவு மற்றும் கோக்கோ மாவு) உள்ளது. 

இந்த தருணத்தில், அவ்வனை (Oven) 350°F ( 180°C, Preheat) சூடாக்கவும். வட்ட (அ) சதுர வடிவிலான பேக்கிங் தட்டில் சிறிது எண்ணெய் (அ) பேக்கிங் தாள் வைத்து, தயார்செய்து கொள்ளவும். 

இப்பதான் முக்கியமான பகுதி, (இந்த பகுதியை விரைவாக செய்து முடிக்க வேண்டும்) முதலில், வெள்ளை மாவை (ஒரு தேக்கரண்டி அளவு) எடுத்து பேக்கிங் தட்டின் நடுவில் (center) வைக்கவும் / போடவும். பின் கோக்கோ மாவை (ஒரு தேக்கரண்டி அளவு) எடுத்து (முன்பு வைத்த வெள்ளை மாவின் மீது வைக்கவும் / போடவும். இதே முறையில் வெள்ளை மாவையும், கோக்கோ மாவையும் ஒன்றன் மீது ஒன்றாக வைப்பதன் மூலம், மாவு பேக்கிங் தட்டு முழுவதுமாக பரவும். (முழு அளவு மாவையும் இதே முறையில் பரப்பவும்) 

 மேற்கூறிய முறையில்லாமல் மாவை பேக்கிங் தட்டில் பரப்பினால் அது வெறும் கேக் ! 

 பின்னர், பேக்கிங் தட்டை அவ்வனில் வைத்து சுமார் 30 - 40 நிமிடம் 180° C வெப்பத்தில் பேக் செய்யவும்.

மிருதுவான (Fudgy) பிரவுனீஸ்

முந்தய இரண்டு பதிவுகளில் தொடர்சியாக ரொட்டி செய்தமையால், இப்பொழது ஒரு இனிப்பு வகை, பிரவுனீஸ். 

பிரவுனீஸ் என்பது கேக்குக்கும், குக்கீஸ்க்கும் இடைபட்ட ஒன்று. அதாவது,  கேக் போன்று மிக மிருதுவாக இல்லாமலும் அதே சமயம் குக்கீஸ் போன்று கடினமாகவும் இல்லாமல் இருக்கும். 

பிரவுனீஸ் பொதுவாக, சாக்லேட், உலர் பழங்கள் மற்றும் உலர் பழங்கள் ( பருப்பு) கொண்டு செய்யபடுகிறது. 

பிரவுனீ செய்ய அதிக சதவிதம் கோக்கோ (<60%) உள்ள சாக்லேட் (டார்க் சாக்லேட்) பயன்படுத்த விரும்புகிறேன். காரணம் அதன் கசப்பும் இனிப்பும் சேர்ந்த சுவை எனக்கு மிகவும். ஆனால் மிதமான இனிப்பு சாக்லேட்  (semisweet) டும் பயன்படுத்தலாம். (உங்கள் விருப்பத்திகேற்ப) .

தேவையான பொருட்கள் :  100 கிராம் வெண்ணெய் (துண்டுகளாக வெட்டியது)   ; 1 கோப்பை (125 கிராம்) மைதா மாவு  ; ¼ (30 கிராம்) கப் (unsweetened)  கொக்கோ தூள் ; ½ தேக்கரண்டி பேக்கிங் பவுடர் ; ½ தேக்கரண்டி உப்பு ; 225 கிராம் மிதமான இனிப்பு (Semisweet) அல்லது டார்க் சாக்லேட் சாக்லேட் ( நறுக்கியது) ; 1¼ (250 கிராம்) கப் சர்க்கரை ; 3 பெரிய முட்டைகள்; ½ கோப்பை உலர் பருப்புகள் (உடைத்த)

செயல்முறை:   ஒரு கிண்ணத்தில், மாவு, கொக்கோ, பேக்கிங் பவுடர் , உப்பு ஆகியவற்றை சேர்த்து நன்றாக கலக்கவும்.

சாக்லேட் மற்றும் வெண்ணெயை உருக்கிகொள்ளவும் ( இரட்டை கொதிகலன் முறையில் அல்லது மைக்ரோவேவ் மூலமாக) சிறிது சிறிதாக சர்க்கரை சேர்த்து கலந்து. பின்னர், முட்டை சேர்த்து  நன்றாக கலக்கவும்.

பின், முதலில் கலந்துவைத்துள்ள மாவு கலவையை சேர்த்து கலக்கவும். (கலவை ஈரப்பதமாக இருக்கவேண்டும்)

இதற்கிடையில், ஒரு பேக்கிங் தட்டில் பேக்கிங் காகிதம் பரப்பவும். ( காகிதத்தின் பரப்பளவு பேக்கிங் தட்டின் பரப்பளவை விட அதிகமாக இருந்தால், பின்னர்  தட்டில் இருந்து எடுக்க எளிதாக இருக்கும்.

தயாராக பேக்கிங் தட்டில், மாவின் கலவையை ஒரே சிராக பரப்பி சுமார் 180° c வெப்பநிலையில் சுமார் 30 முதல் 40 நிமிடங்கள் வரை (preheated)  அவனில் (oven) பேக் செய்யவும். (பல்குச்சியில் மாவு ஒட்டாமல் வரும் பதம் வரை)

வெப்பம் குறைந்த பின், சிறிய துண்டுகளாக தேவையான வடிவத்தில் வெட்டி காற்று புக முடியாத கலனில், இரண்டு நாட்கள் வரை நன்றாக இருக்கும்.

வெண்ணிலா ஐஸ் கிரீம் சேர்த்து பிரவுனீஸ் சாப்பிட எனக்கு மிகவும் பிடிக்கும். அனால் என் கணவருக்கு காபியுடன் சாப்பிட பிடிக்கும். உங்களுக்கு....?