வேர்க்கடலை-வெண்ணெய் குக்கீகள்

என் நண்பர்கள் மற்றும் குடும்பத்தினர் எப்போதும் இந்த வேர்க்கடலை வெண்ணெய் (Peanut Butter)  குக்கீகளை மிகவும் விரும்பி சாப்பிடுவார்கள். எனவே, உங்களுக்கும் பிடிக்கும் என நம்புகிறேன்.

வறுத்த ஓட்ஸ், வேர்க்கடலை-வெண்ணெய் மற்றும் பழுப்பு சர்க்கரை முதலியன இந்த குக்கீயின் அலாதியான சுவைக்கு காரணமான பொருட்கள் ஆகும்.

இந்த குக்கீ சுவையானது மட்டுமல்ல, பால் அல்லது பழசாறுடன்  2 - 3 குக்கீ ஒரு முழமையான (காலை) சிற்றுண்டியாகும்.

தேவையான பொருட்கள் பட்டியல்: 100 கிராம் unsalted வெண்ணெய் + சில தேக்கரண்டிகள்.  ;  1 கப் ஓட்ஸ் ; 1 கப் மைதா + தேக்கரண்டிகள்.  ; 1 தேக்கரண்டி பேக்கிங் சோடா  ;  1 தேக்கரண்டி உப்பு ;  1/3 கப் சர்க்கரை ; 1/2 கப் (டார்க்) பழுப்பு சர்க்கரை ;  1/2 கப் வேர்க்கடலையில் இருந்து செய்யபட்ட வெண்ணெய். (Peanut Butter)

செய்முறை :  கடாயில், சுமார் 4 தேக்கரண்டி வெண்ணெயுடன் ஓட்ஸ்-சை சேர்த்து (5 நிமிடங்கள்) வரை வறுக்கவும்.

ஒரு கிண்ணத்தில், மாவு, சமையல் சோடா, உப்பு சேர்த்து கலக்கி கொள்ளவும்.

வெண்ணெய், சர்க்கரை மற்றும் பழுப்பு சர்க்கரை ஆகியவற்றை கலந்து, பின் வை. வேர்க்கடலை-வெண்ணெய் சேர்த்து நன்கு கலந்து, சிறிது சிறிதாக ஓட்ஸ் மற்றும் மாவு கலவையை சேர்த்து கலக்கி கொள்ளவும்.

பின்னர் மாவை நீள (பாம்பு போன்ற) வடிவில் உருட்டி உறையில் சுற்றி சுமார் 30 நிமிடம் நேரம் குளிர்சாதன பெட்டியில் வைக்கவும்.

பின் மாவை, சுமார் 2’’ அகலத்திற்கு வெட்டி பேக்கிங் தட்டில் (பேக்கிங் தாள் இட்டு) பரப்பி சுமார் 180° C preheated  (அடுப்பில்) தங்க பழுப்பு நிறத்தில் மாறும் வரை பேக் செய்யவும். 

சூடாறியபின் காற்றுபுகா கலனில் அடைத்து வைக்கவும்.

 

தேன்-ஓட்ஸ் ரொட்டி

ரொட்டி (BreadBread) செய்து நீண்டநாள் ஆகியதால், மீண்டும் ஒரு ரொட்டி செய்முறையை பதிவு.

எனக்கு பேக்கிங் செய்யவதிலேயே மிகவும் பிடித்தது ரொட்டி பேக்கிங், காரணம் பேக் செய்யும்போது வரும் ரொட்டியின் வாசம்.

இன்று செய்யபோகும் ரொட்டியின் பெயர் தேன்-ஓட்ஸ் ரொட்டி. இது மிகவும் ஆரோக்கியமான, சுவையான, முழுமையான சிற்றுண்டி. தேன்,  உணவாக மட்டும் இன்றி மருந்தாகவும் பயன்படுத்தபடுகிறது.

தேவையான பொருட்கள் :: 1 ¼ கப் கொதிக்கும் நீர் ; 1 கப் ஓட்ஸ் ; 2 டீஸ்பூன் unsalted வெண்ணெய்  ; 1 ½ தேக்கரண்டி கல் உப்பு  ; ¼ கப் தேன்  ;  1 கப் முழு கோதுமை மாவு ;   1-2/3 கப் மைதா ; ¼ கப் பால் பவுடர் ;  2 தேக்கரண்டி ஈஸ்ட்.


செயல்முறை:  ஒரு கிண்ணத்தில் 1 ¼ கப் தண்ணீர் ஊற்றி கொதிக்க வைத்து, ஓட்ஸ், வெண்ணெய், உப்பு மற்றும் தேன் சேர்த்து கலக்கி இளஞ்சுடான பதத்தில்,
மீதமுள்ள பொருட்களை (கோதுமை மாவு, மைதா மாவு, பால் பவுடர்), சேர்த்து மிருதுவாக பிசைந்து கொள்ளவும். (கையால் அல்லது இயந்திரத்தால்)

சிறிது எண்ணை தடவப்பட்ட கிண்ணத்தில் மாவை வைத்து, ஈரமான துணியால் சுமார் 45 – 60 நிமிடங்கள் மூடிவைக்கவும்.

சுமார் 45 – 60 நிமிடங்கள் பிறகு மாவின் அளவு  இருமடங்காகிவிடும் (நொதித்தல்). பின்னர், மாவை மிருதுவாக கைகளால் பிசைந்து, மாவின் அளவை (நொதித்தல்லுக்கு முன் ) அதன் அசல் அளவிற்கு மாற்றவும்.

பின் மாவை உருளையாக உருட்டி, ஏற்கனவே தயாரித்து வைத்துள்ள (Pre Greased) ரொட்டி பேக் செய்யும் பாத்திரத்தில்(bread pan) வைத்து (ரொட்டி மாவு பாத்திரத்தின் விளிம்பின் அளவு பொங்கும் வரை) ஈரமான துணியால் மூடிவைக்கவும்.

பின்னர், மேல் பரப்பில் ஓட்ஸ் தூவி பின்னர், ரொட்டி மாவு பாத்திரத்தை ஏற்கனவே சூடாக்கிய அவனில் (preheated oven) 350°C வெப்பநிலையில் சுமார் 30 நிமிடங்கள் வைத்து பேக் செய்யவும் பின், சூடாறியபின், கத்தியால் (shredded knife) தேவையான அளவிற்கு வெட்டி கொள்ளவும்.

உங்கள் விருப்பம் போல், டோஸ்ட், பழகூழ், பாலாடைக்கட்டி, வெண்ணெய் தேய்த்து சாப்பிடலாம்.

பாதாம் சாக்லேட்

ஒரு சாக்லேட் விசிறியாக இருந்தும், நான் இதுவரை சாக்லேட் (அ) கேண்டி செய்முறையை பதிவே எழுதவேயில்லை. எனவே மிகவும் எளிமையான, சுவையான பாதாம் சாக்லேட்  (பாதாம் மிட்டாய் : மிட்டாய் இந்தி சொல், எனவே பாதாம் இனிப்பு)

பல முறை, எனக்கு சாக்லேட்மிதான ஈர்ப்பை பற்றி குறிப்பிட்டுள்ளேன், சிறு வயது முதலே எனக்கு சாக்லேட் உற்பத்தி செய்யும் இடத்தில் வேலை செய்ய வேண்டும் என ஆசை. ஆனால்……….!. எனவே, நான் என் சமையலறையில் சாக்லேட் செய்ய/உருக்க ஆரம்பித்துவிட்டேன்.

தேவையான பொருட்கள் :  பாதாம் 1 கப் ; 2 டீஸ்பூன் சர்க்கரை ; வெண்ணெய் 2 தேக்கரண்டி ; அரை இனிப்பு (semi sweet) சாக்லேட் 200 கிராம் .
 

செயல் முறை : சுமார் 150° C  (oven) அடுப்பில் பாதாம் பருப்பை 12 நிமிடங்கள் வைத்து (ரோஸ்ட்) பிறகு குளிரவைக்கவும்.

அடிப்பக்கம் தடித்த கடாயில் (குறைந்த வெப்பத்தில்) சர்க்கரை மற்றும் (ரோஸ்ட்) பாதாம் சேர்க்கவும். (சர்க்கரையில் உள்ள நீர் வெப்பத்தால் வெளியாகும் – இதன் பெயர் கேரமலைசெஷன்) சர்க்கரை பழுப்பு நிறமாக மாறும் பொழுது வெண்ணெய் சேர்த்து நன்றாக கலந்து பேக்கிங் தாள் மீது ஒன்ரோடு ஒன்று ஒட்டாமல் பரப்பவும். 

பின்னர், சாக்லேட் ஃபட்ஜ்-இல் செய்தது போல சாக்லேட்களை (சிறு துண்டுகளாக வெட்டிகொண்டு) அடி பக்கம் கனமான பாத்திரத்தில் இட்டு குறைந்த வெப்பத்தில் வைத்து (சாக்லேட்டை) உருக்கவும். (இரட்டை கொதிகலன் முறை) 

பின் பாதாம் பருப்பை உருகிய சாக்லேட்இல் இட்டு நன்றாக கலந்து (சாக்லேட், பாதாமின் அனைத்து பக்கங்களிலும் ஒட்டுமாறு) பேக்கிங் தாள் மீது ஒன்ரோடு ஒன்று ஒட்டாமல் பரப்பவும். 

சுமார் ஒரு மணிநேரம் குளிர்சாதன பெட்டியில் வைத்தால், பாதாம் மிட்டாய் தயார்.